Blog

Leite merengada

Wed, 01 Dec 2010 09:29:45 +0100

Ingredientes (4 persoas)

Un litro de leite enteira.
Duas claras de ovo.
Un bastonciño de canela.
A pel de un limón.
50 gramos azucre.

Elaboración

Fervemos a leite xunto a canela e a pel do limón.
Cando ferva, baixamos a temperatura do lume e cando baixe facémola subir de novo. Así ata tres veces.
Deixaremos a leite atemperar, engadimos o azucre e poñémola na neveira.
Batémolas dúas claras de ovo a punto de neve.
Unha vez fría a leite mesturámolos pouco a pouco con movementos envolventes coa leite e introducimos no conxelador durante 1 hora, sacamos do conxelador e consúmese como se fose unha crema xeada.

¡BO PROVEITO!

Filloas de queixo

Wed, 01 Dec 2010 09:27:38 +0100

Ingredientes (4 persoas)

5 dl. de leite
100 g de fariña
2 ovos
400 gr de queixo
Sal
Pementa en grao

Elaboracion

Retiramos la codia do queixo e cortámolo en dados. Poñémolo nun cazo, quentamos a lume suave ata que se funda. Retiramos e reservámolo.Mesturamos os ovos,la fariña, o leite e 1 pizca de sal. Batemos ata obter unha masa homoxénea. Engraxamos unha tixola, poñemola a lume suave e vertemos un caciño da masa. Callamos por un lado ata que empezan a saír burbullas, dalle a volta e dora polo outro lado. Repetímola operación co resto da masa.Recheamos as filloas co queixo, dóbralas y ponas nunha fonte refractaria. Quéntaas durante 10 minutos no forno prequentado a 200ºC. Repártelas en 4 pratos e espolvore a pementa moída no momento de servilas.

¡BO PROVEITO!

Requeixón Sorpresa

Wed, 01 Dec 2010 09:22:59 +0100

Ingredientes (4 persoas)

Froita variada
Zume de limón
2 culleres de azucre
2 terrinas de Requeixón Loureiro

Elaboración

Limpamos a froita e partímola en trozos pequenos. Mesturamos a froita con unha das terrinas de Requeixón Loureiro, engadindo o zume de limón e o azucre. Poñemos a mistura en copas tipo xeado. Por último extendemos, sobre a mestura anterior a terrina de requeixón de forma que a froita quede totalmente cuberta. Adornamos con marmeladas de froitas.

¡BO PROVEITO!

Flan de requeixón Loureiro

Mon, 29 Nov 2010 14:20:04 +0100

Ingredientes (4 persoas)

2 terrinas de Requeixón Loureiro
500 gr. de leite
250 gr. de azucre
10 ovos
1cdta de vainilla
azucre para caramelizar o molde

Elaboración

Poñemos nun vaso os ovos e batémolos, despois engadimos o resto dos ingredientes e minturámolos. Ponémolo nun molde caramelizado e poñémolo a cocer nunha pota rápida durante 40 minutos, deixámolo refrescar durante unhas horas.

¡BO PROVEITO!

Torradas de requeixón e pemento

Thu, 25 Nov 2010 12:26:20 +0100

Ingredientes (4 persoas):

4 rebadas de pan
1 terrina de Requeixón Loureiro
8 tiras de pemento asado
4 anchoas

Elaboración:

Quentamos o forno a 180 ºC, ou acendémola tostadora, torramos o pan durante 5 minutos. Untámolo pan con Requeixón Loureiro, colocamos encima duas tiras de pemento por torrada. Rematámola torrada de Requeixón, colocando unha anchoa.

¡BO PROVEITO!

Vol au vent de requeixón e bacallau

Thu, 25 Nov 2010 12:25:02 +0100

Ingredientes (4 persoas):

4 vol au vents
Mesturas de diferentes leitugas
1 terrina de Requeixón Loureiro
100 gr. bacallau desmigado desalado

Elaboración:

Co bacallau desmigado formamos unha masa, mesturando co Requeixón Loureiro. No fondo do vol au vent, poñemos unhas follas de leitugas, logo recheamos o resto coa masa feita anteriormente. Para adornar, podemos usar trozos de olivas picadas, ou especias.

BO PROVEITO!

Requeixón con mel de Galicia

Thu, 25 Nov 2010 12:23:55 +0100

Ingredientes (4 persoas)

4 terrinas de requeixón Loureiro
Mel de Galicia a vontade

Elaboración

Volteamos as terrinas de Requeixón Loureiro no centro do prato. Ditas terrinas veñen preparadas, para que o voltealas quede unha forma ovalada e moi vistosa no prato. Engadimos mel a vontade, sobre o Requeixón Loureiro. Dita receita, podemos elaborala con doce de marmelo ou marmeladas de diferentes sabores, sendo unha combinación perfecta, o Requeixón Loureiro xunto con marmelada de moras silvestres.

¡BO PROVEITO!